عايزة الرد من البنات بس ..الشباب يمتنعو حفاظا على اعصابهم...

ازيكو ..عاملين ايه كلكو....
باختصار ومن غير مقدمات عايزة البنات يركزو معايا اوى ويحطو نفسهم فى الموقف ده ويقولو بصراحه رايهم.....

هنفرض انك انتى بنوته رومانسيه جدااا وارتبطت بعلاقه حب مع ولد زميلك فى الكليه فى قصه جميله لمده 5 سنين ...حبتيه اوى ..واخلصتى فى حبك ليه..وكنت مستعده تقفى قدام العالم عشانه ....وكنتى حسه بنفس الاحساس من ناحيته ...
وكنتو انتو ال2 منتظرين يوم متخلصو فيه الكليه ويشتغل عشان ساعتها هييجى البيت عندك ويتقدم لباباك....
المهم من غير رغى كتير البنت دى حبته بجد...حبيته اوىىى...
فى الوقت اللى هو اول مخلص واشتغل

قلها
سورى انت تستاهلى حد احسن منىىىى....
احنا مننفعش لبعض...وبعديها بشهر حاولت تكلمه قلها انو ارتبط ببنت تانيه...
وانو بجد بيتمنلها تقابل الشخص المناسب
وليكو بقى ان تتخيلو صدمه البنت ..باختصااااااااااااااار
البنت اتعقدت..
وكرهت الرومانسيه ...وكرهت الحب....وكرهت حياتها كلها..

ومرت بيها الايام وبدات واحده واحده تحاول تنسى ..بس عمر ماجرحها خف...
بدات تشتغل وتقابل ناس ..وبدات الايام تعدى...كلها زى بعض..

لحد مشتغلت فى شركه كبيره...وكانت مخلصه فى شغلها واداؤها عالى جدا..
وكان مدير الشركه دايما بيشجعها ويقولها اد ايه هو معجب باخلاصها فى الشغل وتفانيها...وطموحهااا..ووذكائها..وشخصيتها....وووو

معجب بيها هى شخصيااااااااااااااااااا

اه..قلها انه معجب بيها جداااااااا من اول يوم دخلت فيه الشركه ..وكل يوم اعجابه بيزيد عن اليوم اللى قبله......

معجب بيها جداااااااااااااااااااااا...
لدرجه انو عرض عليها الجواز....
هتقولولى وبعدين؟
طيب هى شعورها ايه ناحيته؟

امممممممم
شعورها عادى جدا ولا بتحبه ولا بيتكرهه...عادىىىىىىىىىىىىى

اه
مكلمتش...صاحب الشركه عرض عليها الجوااااز....وكله اللى تطلبه تحت امرها...
العربيه اللى تشاور عليها ...
شقه فى ارقى مكان فى مصر...
الرصيد اللى عايزاها فى البنك..
المشروع اللى ييجى على بالهااااااااااااااااااااااااا....
المكان اللى تحلم تسافره ..

هااااااااااااااااااا؟
قولتى ايه؟
قولتى ايه لو كنتى مكانها ...

مع العلم انو اكبر منك ب 12 سنه...مش كتير اوى....
وانو...عربى مش مصرى...
وانو متجوز واحده من جنسيته فى بلده.....

هاااااااااااااااااااااااا؟
لو مكانها؟
وانتى جربتى الحب ولارتباط والتضحيه قبل كده؟؟واتعقدتى وايقنتى انو مفيش حاجه اسمها حب؟
هتعملى ايه بجد؟

هتفكرى؟
مش هترضى اصلا تفكرى؟

طب هتوافقى علطول مثلا وتعتبري انو الايام ضحكتلك وهتعوضك عن اللى فاااات؟

هترفضى علطووووول؟

ممكن تقولى بجد هتعملى ايه وليه؟

مستنيه الرد لانى فعلا دى مشكله بتواجه واحده صاحبتى.......

المساهمات : 83 تاريخ التسجيل : 16/01/2008

انا رئى توافق
وتعيش وتنسى الى فات ومش تفكر فى خالص
ولو العريس ده هيسعدها يبقئ مفيش مانع
بس المشكله انك بتقولى انه كبير عليها اوى فى دى بقئ انا مش هوافق طبعا حتى لو هعيش عيشه كويسه
المهم انى اكون سعيده مش مهم انى اكون بحبه بس المهم انو يكون صغير فى السن على القل
ده رئى لانى انا ممكن اكون فى مكانها
وانا فعلا فى مكانها دلوقتى بس عمرى ما هقبل اتجوز راجل كبير فى السن