أي أحد يرغب بكتابة موضوع جديد يدخل هنا

السلام عليكم ورحمه الله وبركاته

اي واحد بيدخل منتدي بيلاقي صعوبه في انه يضبط الكلام ولون الخط او يعمله توسيط

وانا هحاول أشرح لكم أن شاء الله طريقه الكتابه وحجم الخط ولو عايزين ندمج صور اول ملف

رابط موقع او اي حاجه 000

أولاً


اول ما بندخل المنتدي بنكون مثلا عايزين نكتب موضوع زي الناس اللي بتكتب دي في المنتدي

بنلاقي عاليمين كده فوق كلمه موضوع جديد بنضغط عليه بتفتح معانا صفحه جديده ومكتوب

في وسط الصفحه فوق ارسل موضوع جديد وتحت الكلام ده بنلاقي مستطيل فاضي وجمبه

عاليمين كلمه موضوع المستطيل ده بنكتب فيه عنوان القصه او الموضوع اللي هنكتبه 0

بعد كده بنلاقي 3 مستطيلات صغيرين

اول مستطيل مكتوب فيه لون الخط والتاني مكتوب فيه حجم الخط والثالث مكتوب فيه نمط الخط

تحتهم علي طول بنلاقي مربعات صغيره علي هيئه خطوط واشكال وحروف انجليزي واسهم

طبعا اول 4 مربعات دول علشان احنا نضبط الخط ونعمله توسيط او نعمله محاذاه من اليمين او

محاذاه من اليسار 0

بعد كده بنلاقي جمبهم 3 حروف انجليزي اول حرف بي وده علشان نخلي الخط اسود عريض

واللي جمبه يكون مائل واللي بعده يكون الكلام تحته خط 0

بعد كده بنلاقي مربعين فيهم الوان ودول مش هنقدر نستخدمهم لان دول بيعملوا للكلمات ادراج

الوان بس لو كان الكلام اللي نكتبه قليل يعني اقل من 120 حرف 0

بعد كده بنلاقي مربعين ودول فيهم سهم صغير وعلامه تبويب ودول علشان لو احنا عايزين نبدء

الكلام من اليمين او نبدئه من اليسار 0

بعد كده بنلاقي اربع مربعات جوا كل مربع في سهم ودول علشان لو احنا عايزين نخلي الكلمات

بتاعتنا متحركه بنضغط علي اي سهم فيهم والكلام هيتحرك بنفس اتجاه السهم 0

بعد كده بنلاقي مربعات فيها الوان وكده اول مربع عاليمين ده علشان لو عايزين كود برمجي 0

اللي جمبه بالضبط ده علشان لو عايزين نجيب نص مقتبس 0

بعد كده بنلاقي مربع جمبهم اللي مرسوم عليه شكل الكره الارضيه باللون الازرق وده علشان لو

احنا عايزين نعمل ادارج رابط 00

بعد كده بنلاقي مربع فيه شكل ورقه وحولها سهمين وده علشان لو عايزين نعمل ادارج بريد

الكتروني 0

بعد كده بنلاقي المربع اللي فيه علامه انترنت اكسبلور اللي هي شكل صفحه الانترنت وده

علشان لو عايزين ندرج صفحه من الانترنت 00

بعد كده بنلاقي مربع اصفر وفيه شكل اهرامات وده علشان احنا لو عايزين نعمل ادراج صوره 00

بعد كده بنلاقي المربع اللي جمبه علي طول ده علشان لو عايزين نعمل ادارج مشهد فلاش 00

بعد كده المربع اللي جمبه اللي شكل الكلاكيت بتاع الافلام ده علشان لو احنا عايزين نعمل

أدراج مشهد فيديو 00

بعد كده بنلاقي مربع وفيه شكل ميكروفون صوت وده علشان لو عايزين نعمل اداراج ملف صوتي 0

بعد كده بنلاقي المربع اللي جمب الصوت اللي لونه ازرق ده علشان لو احنا عايزين نعمل ادراج

ملف ريل بلاير 00

بعد كده بنلاقي مربع فيه علامه خط في النص وده علشان لو عايزين بعد ما نخلص كتابه نعمل

خط فاصل او في وسط الكلمات نعمل خط فاصل 00

اخر مربع اللي فيه حرفين انجليزي ab ده علشان لو عايزين بعد ما ننسق الكلام نعمل ازاله

للتنسيق اللي احنا عملناه 00

احنا كده عرفنا كل مربع ايه وظيفتة

بعد كده نبدا نكتب الموضوع اللي احنا عايزين نكتبه وبعد ما نكتب الموضوع نعمله تظليل كله

بعد ما نظلله مثلا عايزين نختار لون خط ونعمل توسيط ونضبط نمط الخط ومثلا نعمله الخط باللون

العريض 00


بعد التظليل علي طول نروح نختار لون الخط وبعد كده نختار حجم الخط والاختيارات دي بتكون ورا

بعض علي طول بدون ما نضغط في وسط النص بعد التظليل او اي حاجه

يعني نظلل ونختار الاختيارات ورا بعض كلهم توسيط وحجم الخط ولون الخط 0

طبعا بعد ما نخلص كل حاجه بنلاقى تحت الموضوع مربعات صغير تحت بعض وجمبهم كلمات

نلغي علامه صح من جميع المربعات ونتركها فارغة ماعدا مربع مكتوب جمبه أرفق التوقيع ده بس

اللى نعمل فيه علامه صح

بعد كده بننزل لتحت شويه علشان نرسل الموضوع اللي كتبناه بنلاقي كلمه استعراض وجمبها

كلمه ارسال فنضغط كلمه استعراض هنلاقي الموضوع اللي كتبناه ظهر بنفس الاختيارات ولون

الخط اللي احنا اخترناهم 00

لو لقينا اي حرف او كلمه غلط ممكن نصححها لو احنا نزلنا لتحت شويه بنلاقي الموضوع اللي

كتبناه زي ماهو بس بدون تنسيق يعني كده في موضوع فوق منسق وتحت الموضوع

الرئيسي اللي كتبناه قبل التنسيق ممكن نصحح فيه وبعد ما نصحح اللي احنا عايزينه نضغط

ارسال بدون ما نختار لون الخط او اي حاجه لانه اي حرف او كلمه صححناها هتاخد نفس الحجم

بتاع الخط ونفس اللون زي ما احنا اخترناه للموضوع كله 00

وطبعا احنا ممكن نستخدم اكتر من لون في الموضوع

بعد كده نضغط ارسال ونلاقي الموضوع اتعرض في المنتدي 00

ثانيا لو احنا عايزين نعمل تعديل البيانات بتاعتنا

طبعا فوق بنلاقي كلمه الملف الشخصي 0

وده نفتحه وممكن نعدل منه البيانات بتاعتنا لو الايميل مثلا او نعمل اداراج صوره حاجات كتير

كلها مكتوبه وان شاء الله تعجبكم 00

ثالثا الرسائل الخاصه

في الصفحه الرئيسيه بردو بنلاقي فوق عالشمال كلمه الرسائل الخاص نضغط عليها ونعرف لو

احنا في اي حد بعتلنا رساله من اعضاء المنتدي وبكده الرساله دي خاصه محدش يقدر يشوفها

غيرك انت بس 00

طبعا لو عايزين نكتب اي رساله لاي شخص من اعضاء المنتدي نروح علي الاسم بتاعه ونضغط

عليه هتفتح لنا صفحه بياناته الخاصه ودي طبعا مش بيظهر فيها غير الحاجات اللي هو عايزها

تظهر وبيظهر فيها طبعا مجموع الاسهامات بتاعه الشخص ده وتاريخ انضمامه للمنتدي وكده


يعني 00

بعد كده بنلاقي عاليمين في الصفحه دي كلمه الرسائل وقدامها مربع باللون الاخضر مظلل وده

نضغط عليه يفتح لنا صفحه نكتب فيها رساله للشخص ده اللي عايزين نبعت له الرساله ونكتب

الرساله وبعد كده نضغط ارسال وكده الرساله تروح للشخص ده 00

اخواني واخواتي

اتمني اني شرحي يكون عجبكم جميعا

مع تحياتي لكم جميعا

ومع احترامي للجميع